ADEGIn txertatuta, Gipuzkoako Enpresarien Elkarteak foro hauetan hartzen du parte:
Turismoaren garapen orekatuaren eta iraunkorraren alde lan egiten dugu lankidetzako, bikaintasuneko eta berrikuntzako printzipioetan oinarritutako hotel-ereduen bidez.
Hotel bat hura osatzen duten pertsonen, haien esfortzuaren eta dedikazioaren emaitza da. Gipuzkoako Hoteletako bazkide diren establezimenduek enpleguan egonkortasun handia eskaintzen dute. Kontratuetako % 80 mugagabeak dira, eta langileen antzinatasuna, batez beste, 10 urtetik gorakoa da.
Bazkide diren hotelen % 50 emakumeek kudeatzen dituzte, horrez gain, langile guztien artean soldata-ekitatea islatzen da, eta horren azpian kudeaketa-eredu berritzailea dago.
Azken 10 urteotan, bazkide diren hotelek batez beste 20.000 € inbertitu dute urtean azpiegiturak egokitzen, hobetzen eta berritzen. Eta horri solairu berria gehituz gero, 350mm € baino gehiago dira, eta hala, segurtasuna, garbitasuna eta instalazioen kalitatea bereizgarri dituen hotel-eskaintza dugu.
Bikaintasunarekiko apustua prestakuntza-politiketan ere islatzen da. Bazkide diren establezimenduen % 92k enplegatuei prestakuntza eskaintzen die hizkuntzetan, kudeaketa komertzialean edo bezeroaren arretan, baita talentuaren kudeaketan eta garapen pertsonalean eta Enpresa Kultura Berrian ere.
Planeta zaintzea denon ardura da, eta gure erantzukizunaz jakitun, Gipuzkoako Hotelen bazkide diren establezimenduen % 85ek ezarri edo hobetu ditu azken 5 urteetan energia aurrezteko, argi-eraginkortasuneko, uraren kudeaketako eta hondakinen kudeaketako prozesuak, eta horien guztien helburua ingurumen-iraunkortasuna da.
Iraunkortasunarekiko konpromiso hori lurraldera ere zabaltzen da. Bazkide diren hotelen % 90ek azken 5 urteetan Gipuzkoaren garapen ekonomiko, sozial eta kulturalean lagundu du tokiko produktu eta hornitzaileen aldeko apustu irmoa eginez, eta % 84k gizarteratze-proiektuak eta mezenasgoa egiten du.
Berrikuntzaz hitz egitean digitalizazioa dugu buruan, eta Gipuzkoako Hotelen bazkide diren establezimenduen % 92k zerbitzuen digitalizazioarekin lotutako inbertsioak egin ditu. Baina berrikuntza kudeaketa-sistemak hobetzea ere bada.
Gipuzkoako Hotelen bazkideen % 80k aitortu du Kultura Berriko ekintzak jarri dituela martxan konfiantzan oinarritutako proiektu partekatua izan dadin.
Hotelak bezeroarentzat funtsezko nahitaezko espazioa dira, lurraldera sartzeko atea. Gure langileak enbaxadore dira, eta gure establezimenduak turismoguneko esperientziaren funtsezko zatia dira.
Dugun rolaz jabetuta, Gipuzkoako Hotelek kultura eta nortasuna faktore bereizgarri eta harrotasunerako faktore gisa gordetzen dugu. Gipuzkoako Hotelen bazkide diren ostatuen % 92k eragile publiko eta pribatuekin lankidetzan dihardute lurraldea sustatzeko ekintzak eta politikak garatzeko.
Gipuzkoako Hotelak bazkideen batura da. Lidergo-postuan jartzen gaituen taldelana, erreferentziazko elkarte gisa kokatuz, lehiarako eta erresilientziarako indar handiarekin, oraingo nahiz etorkizuneko erronkei aurre egiteko gai.
Gipuzkoako Hotelak elkarteko establezimendu batean ostatu hartuta bazaude eta PCR edo ANTIGENO proba egin behar baduzu, taxi batek jasoko zaitu zauden lekuan eta (nahitaezko aurretiazko hitzordua) GIPUZKOAKO POLIKLINIKARA edo QUIRONSALUD zentroetara eramango zaitu. Ondoren, proba egin ostean, berriz hotelera eramango zaitu.
Taxiaren joan-etorria doakoa da, eta probaren kostua, Gipuzkoako Hoteletako establezimenduetan ostatu hartutako bezeroentzat abantailazko baldintzatan (PCR 85€ / ANTIGENOAK 35€) bezeroaren kargura izango da. Eskatu zure kodea eta informazioa harreran.